Hai and assalamualaikum readers
APRIL, I think it’s gonna be my worth month ever but it’s all happened behind my will!! All are like
HELL
! rasanya kan beranti tarus ku abis saja ku exam O’level June ani. Im sorry to say that
Sekolah Menengah Muda Hashim began to pressurize me this lately and im coming
SICK to come to this school lately.. apa yang ku expect I’ll out from any troubles those’re not related with my educations, p apa yang ku
INGINkan atu rasanya macam 50-50 wah rasaku kan mencapai. Makin betimbun wah masalah ku diskulah, mun yang betimbun ani bekenaan dengan pelajaran inda jua apa. Hesh!! Buduh banar eh.. Sebab atu ku cakap, rasa BENCI ku kan skulah ani semakin menabal, bekarak dihatiku. Aku memang patut menyalahkan diriku p adakah yang ku buat ani lurus. Urang lain punya masalah p aku jua yang teribat.! Adakah aku ani sendiri yang masuk campur urusan urang lain?? Or adakah atu memang patut tugas ku sebagai Head PRS. Apa tugas ku banarnya kan? Head PRS atau head prefect!!
Nada urang tau wah masalah diri ani. Urang hanya nampak aku pada luaran saja. Urang bulih nampak aku sihat p sebaliknya apa yang tersirat dihatiku, dalam fikiranku…nada seorang pun paham!! Aku bukan jenis manusia yang suka menyusahkan urang dengan masalahku. Kalau ku ada masalah, biar ku bediam diri, menyelesaikan masalahku atu satu persatu. Walaupun semua atu memang batah rasanya kan meleraikan p atleast aku nada membebankan urang. Lain masalah peribadi dirumah ani, lain g masalah pelajaran, lain g masalah duit, lain g masalah PRS, lain g masalah anu yang inda patut kana mengana denganku. Please lah, stop stressing me!!!
Aku perlu rehat untuk semua ani. Aku ada perkara yang lebih patut ku selesaikan, June o’level ku!
Ani ah udah pun hari Rabu lapas 3 buting mobile ilang arah bilik PRS, yang first kana nya siapa tu nah. Aku jua wah, aku jua yang kana suspek ulih kawanku. Persoalannya kenapa mesti aku? Munasabah kah jawapannya pasal aku ada masuk bilik atu masa rehat? Apa abarnya PRS lain yang keluar masuk bilik atu tanpa pengetahuannya. Setau ku masa hari rabu atu kan semua PRS tahun 9 lepak disana, meliat-liat gambar yang baru kana cuci ulih cigu Razid. Tapi kenapa mesti ia suspek aku jua, padahal masa pagi ia menyimpan mobile atu ada 2 urang lagi yang lain masuk (raimi sama mu’id). Kenapa ia suspek durang dua? Pasal ulah durang lembut? Please lah, urang yang ku cakapkan ani memang buduh jua, dibaginya tau cigu disiplin yang mobile nya ilang. Its okay cigu mengambil peduli halnya atu p kenapa ia inda membagi tau pat cigu cemani “ cigu, mobile ku kana curi. Masatu aku menyimpan sama si Faiz. Kami dua saja yang tau tempat aku menyimpan. P yang hairannya mobile kawanku sama
SIGUP ku dua kutak inda kana curi! “ buduhkan urang atu, mobile nya saja yang di gtau nya yang dibawanya pat cigu disiplin sama arah indungnya.
Patang atu kami ada lawatan ke ICC untuk Karnival Kerjaya, p abis saja kami balik and sampai diskulah, indungnya bejumpa lagi sama cigu Sea Kong Meng.
Ani kata indungnya “
cigu, cemana bulih handphone anak saya ilang atu, padahal anak saya sudah menyerahkan arah PRS? Lagipun bilik atu nada urang lain yang bulih masuk kecuali PRS”
Cigu SKM- “
banarnya pasal membawa handphone keskulah ani, andang kana larang sudah ulih kementerian, so kalau ilang apa kami pihak sekulah memang inda bertanggungjawab tu pasal memo sudah kana keluarkan”
Bapanya – “
saya tau tu cigu, tapi ani untuk kegunaan anak saya masa patang, pasal ia belawan futsal hari ani ”
Yatah buduh ni indung cemani ani, tau udah perkara atu andang kana larang tapi dibuatnya jua. Lapas tu membabitkan PRS lagi tu. Apa tugas kami kan? Menyimpan handphone urang? Nada dalam aturan kami kan betanggungjawap untuk hal cemani ani wah. Bini saja cigu, cigu HOY g tuu. P apakan, nada indung nya pernah mengajar atau melarang ia kah untuk jangan membawa handphone ke skulah? Persoalannya lagi, patutkah aku yang mencuri handphone nya. Selama ni siapa yang menjaga kan handphone nya mun bukan aku. Pernahkah inda ia besyukur? Sudah handphone ilang, aku jua di tuduhnya. Alasan kenapa aku yang mengambil, pasal aku sorang ja yang tau dalam handphonenya atu ada
BF(bleu flim). Munasabahkah jawapannya atu? Apa pikirnya aku ani kan, mua
PENGAMPUTAN kali!
Pernahkah indungnya tau anaknya menyimpan barang cematu?
Aku dirumah terdidik wah ulih kedua indung ku. Inda pernah indung ku mengajar barang yang inda baik. Sempurna didikan indungku. Besyukur ku dapat indung yang bedisiplin macam durang walaupun hidupku inda mewah macam urang lain. Indung ku bukan jenisnya yang suka mendulur membagi kesanangan arah anaknya dengan DUIT, p apa yang durang ajar arah kami supaya kami adik-beradik bedikari sendiri. Mencari duit sendiri, biar kami tau cemana rasa payahnya kan mendapatkan duit. Sebab atu kami kana suruh keskulah untuk belajar, supaya kami terdidik untuk menjadi manusia yang tepelajar, bukannya jadi manusia liar yang tesigup sana, tesigup sini, bedadah, jadi kutu rayau, kiri kanan kan mengundan anak dara urang p utak
KUSUNG! TUYU! Bini-bini inda bemaruah ganya yang beguna urang cemani ani.
Biarpun hidup keluarga ku mewah, rumah ku basarkah, damitkah, rumah kayu kah, rumah batu kah, atu bukan datang dari hasil titik peluhku. Semua atu duit indung ku, bukan duit ku. Bukan beerti indungku kaya, berharta, kerita 2-3 buah p anaknya inda!! Apa yang berharga arahku iatah ganya satu-satunya ilmuku. Iatah yang bakal menentukan siapa aku 5 tahun akan datang. Apa yang mama ku suka ajar arahku “ bersusah-susah dahulu, besenang- senang kemudian”
Pernahkah indungnya betanya , “
mun aku nada lagi di dunia ani, adakah anak ku akan kekal kaya macam aku? Siapa yang membagi makan durang mun aku nada? “.
Hesh!! Sakit kepala ku memikirkan, atu baru satu masalah tu. Balum lagi masalah disiplin di skulah atu.
Sakit hatiku meliat hal masa hari Khamis atu. Mana kan Prefek di skulah ani? Udahpun masa Assembly hari atu ramai urang yang escape dari pemeriksaan disiplin. Prefek-prefek nya ne ramai ganya yang berdiri dibelakang p seorang pun nada wah urang yang urang durang halang supaya jangan lalu sana. Macam tiang tunggul ganya durang bediri dibelakang atu.
PENAKUT!!! Lapas tu masa rehat ada urang bekelaie arah form 5, perasanku ramai prefek yang meliat disana atu, p satu suara pun nada keluar dari mulut durang kan meleraikan masalah atu!! Udah ku besuara beterais barutah sorang-sorang kan lari. Aku inda ku kira, udahpun ku stress pebaik kawan ku teraisi. Ani wah membari panas ati, Head prefek nya pun 2 x 5! Udah urang belarian barutah kan betanya arahku “
Ada apa , Iz?” inda guna ko betanya! Apa gunanya jadual meronda yang kau buat atu! Mana urang-urang mu? Takut kah kan behadapan sama urang sebaya umur mu? Inda guna-guna kamu makai tie mun ganya untuk begaya p tugas nada!!
Entah eh. Makin beulah wah sekulah ani, inda durang sadar kah yang diri atu kan periksa O’level p masih jua kan buat masalah. Or maybe durang ingin merasai kali lagi setaun di Muda Hashim. Manasaja tah durang, atu tinggal diri durang mau sadar atau inda.
Aku inda tau kenapa recently ani aku makin kuat marah? Stress? Of course!! Aku nada tempat untuk meluahkan, jangan kan kawanku, indung? Cigu? Girlfriend ku pun inda sudi mendangar! It’s okay mun cemani kejadiannya p jangan salahkan aku mun ku buat something yang diluar jangkaan. Aku ani ganya seorang manusia biasa. Sabar ku ada batas nya!!
Kenapa mesti aku kana timpa masalah kan ampir-ampir periksa June ani kan? Adakah aku ani kana anggap
PUNCA MASALAH!! Barangkali ada banarnya kali aku ane pembawa
SIAL!!! !@#$%^&*(
